Ҳукумати шаҳри Душанбе барои таҳияи лоиҳаи намои зоҳирии воситаҳои нақлиёти автомобилии сабукрави таксӣ озмуни кушод эълон мекунад

Ҳукумати шаҳри Душанбе барои таҳияи лоиҳаи намои зоҳирии воситаҳои нақлиёти автомобилии сабукрави таксӣ аз 10-уми ноябр то 10-уми декабри соли 2018 озмуни кушод эълон мекунад. Озмуни кушод байни шахсони воқеӣ ва ҳуқуқии ватанию хориҷӣ доир гардида, он на  дертар  аз  15-уми  декабри  соли  2018 ҷамъбаст ва натиҷаи озмун тавассути нашрияҳои ҷумҳуриявию маҳаллӣ ва шабакаҳои интернетӣ эълон карда мешавад. Ғолиби озмун бо маблағи 5000 (панҷ ҳазор) сомонӣ  мукофотонида мешавад.