Тоҷикистон сол аз сол бо азму иродаи қавӣ ва ҷаҳду талошҳои роҳбарияти олии мамлакат хусусан Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон рӯ ба рушд ниҳода, дар тамоми соҳаҳои хоҷагии халқи мамлакат дастовард, навгонӣ, пешрафт ва рушду инкишофи ҳамешагӣ ба чашм мерасанд. Чунин корҳои ободониву созандагиро мардуми шарафманди тоҷик натиҷаи истиқлолияти комили давлатӣ ва сулҳу суботи сартосарӣ дар меҳани азизамон маънидод менамояд. Бо ин ҳама пешрафту созандагиҳо, ки дар кишвари азизи мо авҷи тоза касб намудааст, бо итминон метавон гуфт, ки рушди тамоми соҳаҳои хоҷагии халқ ба замони истиқлолияти давлатӣ алоқамандии зич дорад.

Тоҷикистон сол аз сол бо азму иродаи қавӣ ва ҷаҳду талошҳои роҳбарияти олии мамлакат хусусан Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон рӯ ба рушд ниҳода, дар тамоми соҳаҳои хоҷагии халқи мамлакат дастовард, навгонӣ, пешрафт ва рушду инкишофи ҳамешагӣ ба чашм мерасанд. Чунин корҳои ободониву созандагиро мардуми шарафманди тоҷик натиҷаи истиқлолияти комили давлатӣ ва сулҳу суботи сартосарӣ дар меҳани азизамон маънидод менамояд. Бо ин ҳама пешрафту созандагиҳо, ки дар кишвари азизи мо авҷи тоза касб намудааст, бо итминон метавон гуфт, ки рушди тамоми соҳаҳои хоҷагии халқ ба замони истиқлолияти давлатӣ алоқамандии зич дорад.

Бояд тазаккур дод, ки ҷавонон ҳамеша пуштибон ва ҳимоятгари ваҳдати миллӣ ва истиқлолияти давлатӣ ҳастанд. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз лаҳзаи ба сари ҳокимият омадан адолату сулҳпарварӣ, дӯстию рафоқат, оштию сулҳхоҳиро пешаи худ карда, бо муттаҳидии мардуми шарифи Тоҷикистон Ватани азизамонро ба яке аз мамолики сулҳпарвару оштихоҳ табдил доданд. Пешвои миллат, муҳтарам Эмомалӣ Раҳмон чун сиёсатмадорони сатҳи ҷаҳонӣ бо якдилию якмаромӣ ва бо кору фаъолияти нек дар таърихи навини халқи тоҷик нақши муассиру ногусастанӣ доранд.

      Ҳукумати Ҷумҳурии Тоҷикистон барои рушд, пешрафти Ватани азизамон қабули 4-стратегияро ба роҳ мондааст, ки яке аз ҳадафҳои миллии мо расидан ба истиқлолияти комили энергетикӣ мебошад. Яке аз иншооти азими аср НОБ-и Роғун , ки онро ҳатто давлати абарқудрати ҷаҳон “Иттиҳоди Шӯравӣ” натавонист бунёд созад, мо тавонистем, ки бо азму талошҳои бевоситаи Пешвои миллат дар як муддати муайян 2-агрегати онро дар вазъияти тантанавӣ мавриди истифода қарор диҳем.

Мо, тоҷикони некному соҳибмаърифат, агар худро миллати мутамаддин донем, набояд қабули созишномаи истиқрори сулҳ ва ризоияти миллиро фаромӯш созем, балки таърихи қабули онро, ки ба санаи 27- уми июни соли 1997 рост меояд, ҳамчун рӯзи муқаддас донем. Маҳз хиради азалӣ ва фарҳанги сулҳофари миллати шарафманди тоҷик буд, ки имрӯз дар кишвари азизи мо сулҳу амонӣ ҳукмфармо гардидааст. Чунин хирад имкон дод, ки мо аз уҳдаи ҳимояи манфиатҳои миллии худ бароем. Яке аз хизматҳои таърихии Пешвои миллат дар он аст, ки оташи ҷанги шаҳрвандиро хомӯш сохт ва фарҳанги сулҳофариро пеша карда, бо эҳсоси гарми ватандорӣ, андешаи тақдири оянда ва бақои миллат, ба музокироти сулҳ ташаббус нишон дод.

Моҳи октябри соли равон ҷомеаи соҳибистиқлоли моро яке аз маъракаҳои муҳими сиёсӣ – интихоботи Президенти Ҷумҳурии Тоҷикистон интизор аст ва мо, ҷавонони бонангу номус дар ин маъракаи муҳим иштироки фаъолона хоҳем кард. Интихоби мо ояндаи дурахшони Тоҷикистони азизро муайян мекунад. Ширкат дар интихобот барои ҳар як сокини кишвар қарзи шаҳрвандӣ ба шумор меравад.

Мо, ҷавонони саодатманду соҳибиқболи Донишгоҳи техникии Тоҷикистон ба номи академик М.С. Осимӣ муроҷиатномаи Иттифоқи ҷавонони Тоҷикистонро ҷиҳати пешбарии номзадии Пешвои муаззами миллат, муҳтарам Эмомалӣ Раҳмон ба мансабии Президенти Ҷумҳурии Тоҷикистон якдилона мепазирем ва самимона ҷонибдорӣ менамоем. Интихоби шоиста – кафолати пойдории Ватан аст.

Интихоби мо – Пешвои мо, Президенти мо!

Мо бо Шумоем – Пешвои миллат!

Акрамов С.С.. Юнусов Ф.М.

Leave a Comment